The history of telecommunications -Torricelli documenti page 678

[...] Archimedes supposuit olim proiecta non per parabolas, sed per lineas spirales suas procedere; et huius suppositionis gratia totum libellum composuit. At suppositionem esse falsam non multo post comperit. Quid faceret? librum ne illum damnare penitus debebat? quin potius eadem omnia legi sineret sublata omni Proiectorum memoria, additoque vocabulo puncti cuiusdam, quod non naturali, sed ficta quadam motuum lege moveatur. Proprium habet hoc Geometria quod nullis alienis auxilijs suffulta, sibi ipsi tantum innixa numquam ruere potest, sed mole sua stat, licet reliqua omnia, quae propria culpa ipsi male adherebant, dilabantur. Reiciamus ergo quicquid Physicum est in eo libello, nempe vocabula proiectorum, gravium, ballistarum etc. et Geometricum maneat, hoc est propositiones abstractae. [...]